Lørdag 26. oktober avvikles Vestopplandsstevnet på Gran, Hadeland
Granvang
kl. 12.00 – 01.00 - info: 6132 5219 eller 917 87 195 (Else
Sørensen)
Dette er et runddans stevne med tevling i spel og dans, men ca.
kl. 19.00 blir det også konsert med
Knut Kjøk og
Dag Gården
med produksjonen ”frå folk te`
folk” som spenner frå rolege lyarslåtter til viltre springleiker og
hallinger
Slik fortel dei to
musikarane om seg sjølve:
Knut Kjøk
Eg vart fødd i Lom i 1948 og fekk mi
fyrste fele i 12 - års alderen. Oppvaksen i ein folkemusikkheim som eg er, var
det på det næraste bestemt på førehand at eg skulle bli spelemann. Alle ikring
meg behandla meg som ”spelemannen” heilt frå eg var ein neve stor. Det var
derfor lita sjanse for meg å sleppe unna denne lagnaden. Far min, Erling Kjøk,
var aktiv i folkemusikkmiljøet og eg kom derfor tidleg med på kappleik. Fyrste
kappleiken eg deltok i sjølv var på Fagernes i 1967. Sidan den gongen har
kappleikane vore ein naturleg tumleplass for meg og eg har vunne A- klassa på
Landskappleiken 5 gonger. Det er mange personar innan folkemusikkmiljøet som
har vore store inspirasjonskjelder for meg, og ved sida av far min vil eg
særleg trekkje fram Pål Skogum og Mattias Bismo. Eg har mykje å takke
folkemusikken for: Store personlege opplevingar, konsertar i inn- og
utland, plateinnspelingar og sist men
ikkje minst, fast arbeid. Eg er i dag tilsett som felelærar ved musikk-og
kulturskulane i Sel og Vågå kommune. I tillegg driv eg aktivt som utøvande
musiker.
Dag Gården
Eg vart fødd i Vågå i 1959 og fekk
framtida mi avgjort da ein kjenning sette att eit trekkspel heime da eg var 9 -
10 år gamal. Far min, Kristian Gården, framleis ein aktiv folkemusikar, vart
som naturleg er min fyrste læremeister.
Vi spelte alt frå ”Ringnesen 1 og 2” til ”Aften på Grotli.” Det budde fleire
trekkspelarar i Vågå som var viljuge til å lære bort nokre knep til ein ungdom.
Mest hjelp fekk eg nok frå Hjalmar Moen og Jørgen Stasviken, men ein annan
musikalsk inspirasjonskjelde som var minst like viktig for meg, var musikklærar
ved ungdomsskulen i Vågå, Per Skeidsvoll. Som 16–åring flytta eg til Oslo for å
byrje på musikklinja på Foss
videregående skole. Det fyrste eg gjorde da, var å skaffe meg eit
trekkspel med melodibass, eller eit såkalla akkordeon. Den utflytta Heidølen,
Jon Faukstad var skulen sin instrumentallærar på dette instrumentet. I 1979
byrja eg på Norges musikkhøgskole og sikra meg på den måten Jon som
akkordeonlærar i 4 nye år. Etter endt utdanning hadde eg mange magre år i Oslo
som freelance musikar, lærar og drosjesjåfør før eg i 1990 fekk arbeid som
musikkskulerektor i Sel kommune. For tida er eg ute i ein toårig permisjon frå
denne jobben og arbeider med arrangering og speling av folkemusikk på heiltid.