Nok å "varme seg på" i
kalde dagar?
Ta ein titt på kva Den norske folkemusikkveka 2003 byr på:
Folkemusikkveka 25.mai - 1. juni 2003 i Ål
Nytt
norsk - nytt svensk
Temaet
for årets Folkemusikkveke er Nytt norsk - nytt svensk. Det vert eit møte
mellom norsk og svensk folkemusikk der ideen er å vise nye namn, nye talent,
nye solistar, nye grupper og nye konstellasjonar innan det svenske og norske
folkemusikkmiljøet. Me vil få møte både yngre, framstormande utøvarar; og
eldre, etablerte utøvarar som stiller med nye ting.
Blant dei svenske artistane finn me trioen Triakel med song,trøorgel
og fele.
Så
har me Sinklipass
som er ei kombinert danse - og instrumentalgruppe. Dei
har ein fenomenal sceneopptreden basert på svensk folkedans.
Lortbekkerz er ei anna gruppe med svært unge svenskar som
spelar alt i frå kyrkjemusikk til folkrock.
Det
vert og interessant samspel og solospel frå Magnus
Stinnerbom og Daniel Sanden Warg på fele/hardingfele. Sistnemnde er
busett i Setesdal, og handterar hardingfela som ein innfødt setesdøl! Han er
den fyrste( og einaste) svenske som har spelt seg opp
i kl.A på hardingfele.
Frå norsk side vil me få møte gruppa Trispann
med Åsmund Nordstoga i spissen. Frå Setesdal kjem spelemannslaget Knut
Heddis Minne som vann landskappleiken siste året.
Eit interessant møte vert det med Johansen -familien frå Mjøndalen som
syng og spelar tradisjonelle taterviser.
Og
så har me kyrkjekonserten Kr. Himmelfartsdag der me får eit tingingsverk av
Jo-Asgeir Lie. Det er gruppa Tre Begrædelige Piger som skal framføre verket,som er basert på lyrikk frå Hallingdal og Møre.
Det
vert ikkje mindre enn tre plateslepp under årets Folkemusikkveke: Embrik
Bergaplass kjem med springar og laus frå Hallingdal, Knut Heddis Minne
har CD-slepp og Trispann skal presentere si plate. Alle sammen skal ha
konsertar i tillegg til plateslepp.
Forestillinga
Nivelkinn med Øyonn Groven Myhren og Odd Nordstoga kjem og
til Ål denne veka. Dette er ei kritikarrost musikalsk dramatisering tufta på
Aslaug Vaa sitt forfattarskap.
Og
så får me vitjing av eit av dei beste gamaldansorkestra i landet; Dalakopa,
som både spelar til konsert og til dans. Når ein så veit at Fanitulltevlinga
og Bygdamønstringa går som tidlegare, og at Folkemusikkveka dreg til
Løyte Gjestegard i Hovet ein kveld for å laga til bygdemoro, så vert det alt i
alt mykje å gle seg til den siste veka i mai.